Click here for A Guide to the Development Plan
Development Plans
Caithfidh an tÚdarás Pleanála Plean Forbartha a chur le chéile gach sé bliana. Leagann an Plean Forbartha amach fís agus straitéis iomlán maidir le pleanáil chuí agus forbairt inbhuanaithe an Chontae Cuimsíonn sé ráiteas scríofa agus plean nó pleananna a léiríonn na cuspóirí forbartha don cheantar atá i gceist.
Is doiciméad cuimsitheach beartais é Plean Forbartha Contae Loch Garman 2022-2028, a shíneann go 13 Imleabhar. Tá na polasaithe, cuspóirí agus caighdeáin bhainistíochta forbartha ann a threoróidh forbairt sa Chontae le linn tréimhse an phlean (Imleabhair 1-2). Tá Pleananna Lonnaíochta ann do Bhaile Bhun Clóidí agus do Chuan Ros Láir agus Cill Ranna agus Sainchuspóirí do Dhroichead an Chaisleáin agus Trá Ros Láir (Imleabhar 3). Tá ann freisin Taifead na Struchtúr Cosanta agus na Limistéir Chaomhantais Ailtireachta (Imleabhair 5-6), an Measúnú ar Charachtar an Tírdhreacha (Imleabhar 7), an Straitéis Mhiondíola don Chontae (Imleabhar 8), an Straitéis Tithíochta (Imleabhar 9) agus an Straitéis Fhuinnimh. (Imleabhar 10). Bhí an Plean Forbartha Contae faoi réir ag measúnuithe éagsúla a éilítear faoi Threoracha an AE – tá an Measúnú Straitéiseach ar Bhaol Tuilte, an Measúnú Straitéiseach Comhshaoil agus an Measúnú Cuí in Imleabhair 11-13 den Phlean.
Pleananna Limistéir Áitiúil
Féadfar Plean Limistéir Áitiúil a ullmhú maidir le haon limistéar a mheasann an tÚdarás Pleanála a bheith oiriúnach agus, go háirithe, do na ceantair sin a dteastaíonn athnuachan eacnamaíoch, fhisiciúil agus shóisialta uathu agus do cheantair ar dócha go mbeidh siad faoi réir forbairt mhórscála. Ní mór na polasaithe nó na cuspóirí atá i bPlean Ceantair Áitiúil a chur san áireamh le cuspóirí an Phlean Forbartha Contae. Tá Pleananna Ceantair Áitiúil i bhfeidhm faoi láthair do Bhaile Ghuaire agus a Phurláin agus do Baile na Cúirte agus Baille na hAbhann.
Tá Pleananna nua á n-ullmhú faoi láthair do Bhaile Loch Garman agus do Bhaile Inis Córthaidh.